Наградата „Браќа Миладиновци“ за најдобра поетска книга меѓу два фестивала е востановена во 1963 година. Браќата Димитар и Константин Миладинови се познати хуманисти и книжевни дејци од 19. век, родени во градот Струга. Постариот, Димитар Миладинов, бил учител и собирач на народни песни и приказни, а помладиот, Константин, е попознат како поет. За време на своите студии во Москва тој ја напишал познатата песна „Т'га за југ“, која е симбол на фестивалот. Оваа песна традиционално се чита на повеќе јазици при свеченото отворање.

Браќата Миладиновци трагично го завршуваат својот живот во отоманските затвори, во кои попаднале поради својата културна и образовна дејност. Од 1963., наградата „Браќа Миладиновци“ важи за најпрестижна годишна национална награда за поезија во Република Македонија. Наградата досега е доделена 43 пати по распишан конкурс.

Досегашни добитници на наградата „Браќа Миладиновци“

1963 Матеја Матевски: „Рамноденица“

1964 Анте Поповски: „Непокор“

1965 Радован Павловски: „Корабија“

1966 Богомил Ѓузел: „Мироносници“

1967 Влада Урошевиќ: „Летен дожд“

1968 Петре М. Андреевски: „Дениција“

1969 Миле Неделкоски: „Еретикон-Еротикон“

1970 Петар Т. Бошковски: „Постела од трње“

1971 Петре М. Андреевски: „Дални наковални“

1972 Богомил Ѓузел: „Бунар во времето“

1973 Влада Урошевиќ: „Ѕвездена терезија“

1974 Блаже Конески: „Записи“

1975 Гане Тодоровски: „Снеубавен ден“

1976 Ацо Шопов: „Песна за црната жена“

1977 Атанас Вангелов: „Глетки и привиденија“

1978 Милован Стефановски: „Ѕид пред бескрајот“

1979 Славко Јаневски: „Оковано јаболко“

1980 Ефтим Клетников: „Окото на темниот“

1981 Матеја Матевски: „Липа“

1982 Михаил Ренџов: „Нерези“

1983 Адем Гајтани: „Лебедова песна“

1984 Тодор Чаловски: „Јадро“

1985 Лилјана Дирјан: „Жива мера“

1986 Влада Урошевиќ: „Хипнополис“

1987 Петко Дабески: „Четврта координата“

1988 Славко Јаневски: „Песји шуми“

1989 Катица Ќулафкова: „Зедби“

1990 Раде Силјан: „Заѕидување на сенката“

1991 Ристо Василевски: „Плодоред“

1992 Јордан Даниловски: „Коба“

1993 Бранко Цветкоски: „Молитвен веј“

1994 Петре Бакевски: „Низ златниот прстен на сонцето“

1995 Анте Поповски: „Провиденија“

1996 Светлана Христова-Јоциќ: „С. Бесмртна“

1997 Глигор Стојковски: „Заборавеното око на бескрајот“

1998 Гордана Михајлова-Бошнаковска:
„Планини од картонски кутии“

1999 Јован Котески: „Разор“

2000 Славе Ѓорѓо Димоски: „Темно место“

2001 Санде Стојчевски: „Трмка“

2002 Радован Павловски: „Штит“

2003 Ефтим Клетников: „Живиот камен“

2004 Петко Дабески: „Сноп параболи“

2005 Петар Т. Бошковски: „Вратика“

2006 Братислав Ташковски: „Големата љубовна песна“