Имајќи предвид дека македонското поетско наследство беше малку презентирано во превод на странски јазици во текот на фестивалот, Управниот одбор на СВП донесе одлука секоја година, за време на фестивалот, да се промовира по еден тематски избор од современата македонска поезија, објавен во два тома: на македонски и на англиски јазик.

Во македонското издание поетите од другите етнички заедници во Македонија се објавени двојазично: на македонски и на јазикот на етничката заедница.

Тематски избори од современата македонска поезија:

1999 На крај од милениумот

2000 Орфеј и Исус (Библиски мотиви)

2001 Песноносници (Антологија на добитниците
на наградата „Браќа Миладиновци“)

2002 Тело и струна (Љубовни и еротски мотиви)

2003 Течно сонце (Водата - Сушата)

2004 Куќа - цел свет (Куќа. Праг)

2005 Тишината меѓу два збора (Арс Поетика)