2009
Струшки вечери на поезијата
Љубомир Левчев е роден на 27 април 1935 година во градот Тројан. Завршил Филозофско-историски факултет на Универзитетот „Св. Климент Охридски“ во Софија. Бил уредник и главен уредник на весникот „Литературен фронт“ (1961-1971), прв заменик-министер за култура на Бугарија (1975-1979), претседател на Сојузот на бугарските писатели (1979-1989). Од 1991 година е уредник и сопственик на издавачката куќа „Орфеј“ и на истоименото меѓународно списание.
Неговата прва поетска книга „Ѕвездите се мои“ излегува во 1957 година. Во 2007 година ја публикува поетската збирка „Последни поеми“. Во тој период од 50 години објавил повеќе од 30 книги поезија, како и романите „Убиј го Бугаринот!“ (1988) и “Ти си следниот“ (1998). Во 2008 година излегува од печат седмиот и последен том од неговите Избрани дела со наслов „Опасна слобода“. Поетското дело на Левчев е објавувано во 34 земји со 70 одделни книги.
Љубомир Левчев е заслужен деец на културата (1997), почесен доктор на науките е на Бугарскиот слободен универзитет, редовен член на Европската академија за уметност, наука и култура од Париз, член-основач на Европската академија за поезија од Луксембург, член на меѓународниот дом на поезијата во Брисел, член на Меѓународниот литературен фонд од Москва и почесен член на „Каза национал де поезија“ од Лима.
За својот поетски опус е носител на бугарските и меѓународни награди:
- Димитровска награда (1972)
- Награда на Сојузот на бугарските писатели (1973)
- Национална награда „Вапцаров“ (1973)
- Наградата за поезија „Пењо Пенев“ (1984)
- Наградата „Борис Полевој“ 91985)
- Златен орден на поезијата на Францускиот институт од Париз и титулата Рицар на поезијата (1985)
- Големата награда на Институтот „Пушкин“и на Сорбона (1989)
- Наградата „Димчо Дебелјанов“ (1990)
- Светската награда за мистична поезија „Фернандо Риело“ (1993)
- Меѓународната награда на Украина - „Дружба“ (1997)
Неговата прва поетска книга „Ѕвездите се мои“ излегува во 1957 година. Во 2007 година ја публикува поетската збирка „Последни поеми“. Во тој период од 50 години објавил повеќе од 30 книги поезија, како и романите „Убиј го Бугаринот!“ (1988) и “Ти си следниот“ (1998). Во 2008 година излегува од печат седмиот и последен том од неговите Избрани дела со наслов „Опасна слобода“. Поетското дело на Левчев е објавувано во 34 земји со 70 одделни книги.
Љубомир Левчев е заслужен деец на културата (1997), почесен доктор на науките е на Бугарскиот слободен универзитет, редовен член на Европската академија за уметност, наука и култура од Париз, член-основач на Европската академија за поезија од Луксембург, член на меѓународниот дом на поезијата во Брисел, член на Меѓународниот литературен фонд од Москва и почесен член на „Каза национал де поезија“ од Лима.
За својот поетски опус е носител на бугарските и меѓународни награди:
- Димитровска награда (1972)
- Награда на Сојузот на бугарските писатели (1973)
- Национална награда „Вапцаров“ (1973)
- Наградата за поезија „Пењо Пенев“ (1984)
- Наградата „Борис Полевој“ 91985)
- Златен орден на поезијата на Францускиот институт од Париз и титулата Рицар на поезијата (1985)
- Големата награда на Институтот „Пушкин“и на Сорбона (1989)
- Наградата „Димчо Дебелјанов“ (1990)
- Светската награда за мистична поезија „Фернандо Риело“ (1993)
- Меѓународната награда на Украина - „Дружба“ (1997)